خدع حول مفهوم تأخر المسلمين مصطفي حسني

رفعت مرة صوتي وقلت أنا عايز ابقى راجل ومتعلم
فلقيت 100 صوت بيقول لي الأمة دي محدش فيها بيتقدم
بص حواليك كده وهات لنا حاجة عدلة
والمشكلة ان اللي كان بيكلمني راجل محترم لابس بدلة
قلت له يا صاحبي ربك لما خلقك قال لك انا هسألك عن شغل ايديك
لا هسألك عن حال بلدك، ولا أهلك، ولا الناس اللي حواليك
حال بلدك هينصلح، لما أنا وأنت نرقى بنفسنا
البلد دي أنت وأنا وصاحبي وصاحبك وناس كتير زينا
متضيعش وقتك، وتموت كفاءتك وتقول "الظروف"!
غيرك صنع من المحنة مجد واللي يعيش يشوف
ده الظروف الصعبة يا صاحبي بيتخلق لها الجامدين
ناس تعمر بلدها وتحترم بعضها وتعز الدين
شوف في بلدنا الصغيرة ناس كتير عظيمة
أدب تلاقي، وصلاة تلاقي، وعملوا حاجات ليها قيمة
فاكر سيدك النبي جه، والظروف والناس مقفلين
ظلم وسرقة وقلة علم...والغلابة متبهدلين
قال انا هبدأ بنفسي وأغير الصورة ...أنا الصادق الأمين
وحط ايده في ايد اللي زيه ومعاهم رب العالمين
لو كل واحد ركز في حاجته هنقوم كلنا
ولا نفضل محلك سر ونقعد نبكّت في بعضنا
غير مفهومك يا صاحبي وماتسألش المسلمين فين
الأول اقف مع نفسك وفكر وقول "أنا هبدأ منين؟"

» الحكم على الغير بدأ زمان من أيام الشيطان مصطفي حسني